శ్రీ ఆదిత్య స్తవం

 *శ్రీ ఆదిత్య స్తవం*

                         

*నమస్తే యన్మయం సర్వమేతత్సర్వ మయశ్చ యః|*

*విశ్వమూర్తిః పరంజ్యోతిర్యత్తద్ధ్యాయంతి యోగినః[1]*

*య ఋఙ్మయో యో యజుషాం నిధానం సామ్నాం చ యో యోనిరచింత్యశక్తిః|*

*త్రయీమయః స్థూలతయార్ధమాత్రా పరస్వరూపో గుణపారయోగ్యః[2]*

*త్వాం సర్వహేతుం పరమంచ వేద్యమాద్యం పరంజ్యోతిరవేద్యరూపమ్|*

*స్థూలం చ దేవాత్మతయా నమస్తే భాస్వతమాద్యం పరమం పరేభ్యః[3]*

*సృష్టిం కరోమి యదహం తవశక్తిరాద్యా తత్ప్రేరితో జలమహీపవనాగ్నిరూపామ్|*

*తద్దేవతాదివిషయాం ప్రణవాద్యశేషాం నాత్మే2చ్ఛయా స్థితిలయావపి తద్వదేవ[4]*

*వహ్నిస్త్వమేవ జలశోషణతః పృథివ్యాః సృష్టిం కరోషి జగతాం చ తథాద్య పాకమ్|*

*వ్యాపీ త్వమేవ భగవన్ గగనస్వరూపం త్వం పంచధా జగదిదం పరిపాసి విశ్వమ్[5]*

*యజ్ఞైర్యజంతి పరమాత్మవిదో భవంతం విష్ణుస్వరూపమఖిలేష్టిమయం వివస్వన్|*

*ధ్యాయంతి చాపి యతయో నియతాత్మచిత్తాః సర్వేశ్వరం పరమమాత్మవిముక్తికామా[6]*

*నమస్తే దేవరూపాయ యజ్ఞరూపాయ తే నమః|*

*పరబ్రహ్మస్వరూపాయ చింత్యమానాయ యోగిభిః[7]*

*ఉపసంహారతేజో యత్తేజసః సంహతిస్తవ|*

*సృష్టేర్విధాతాయ విభో సృష్టౌ చా2హం సముద్యతః[8]*

*మార్కండేయ ఉవాచ:-*

*ఇత్యేవం సంస్తుతో భాస్స్వాన్ బ్రహ్మణా సర్గకర్త్రణా|*

*ఉపసంహృతవాంస్తేజః పరం స్వల్పమధారయత్[9]*

*చకార చ తతః సృష్టిం జగతః పద్మసంభవః|*

*తథా తేషు మహాభాగః పూర్వకల్పాంతరేషు వై[10]*

*దేవాసురాదీన్మర్త్యాంశ్చ పశ్వాదీన్వ్రక్షవీరుధః|*

*ససర్జ పూర్వవద్బ్రహ్మా నరకాంశ్చ మహామునే[11]*

*ఇతి శ్రీ మార్కండేయ పురాణే షణ్ణవతితమోధ్యాయే ఆదిత్యస్తవమ్!*

🙏🌞🌞🌞🌞🌞🌞🌞🌞🙏