*శ్రీ గురు చరణ స్మరణాష్టకం..!!* 🙏🌺🌹☘️🌿
1) ప్రాతః శ్రీతులసీనతిః స్వకరతస్తత్పిండికాలేపనం తత్సామ్ముఖ్యమథ స్థితిం స్మృతిరథ స్వస్వామినోః పాదయోః !
తత్సేవార్థబహుప్రసూనచయనం నిత్యం స్వయం యస్య తం శ్రీరాధారమణం ముదా గురువరం వందే నిపత్యావనౌ !!
2) మధ్యాహ్నే తు నిజేశపాదకమలధ్యానార్చనాన్నార్పణ ప్రాదక్షిణానతిస్తుతిప్రణయితా నృత్యం సతాం సంగతిః !
శ్రీమద్భాగవతార్థసీధుమధురాస్వాదః సదా యస్య తం శ్రీరాధారమణం ముదా గురువరం వందే నిపత్యావనౌ !!
3)ప్రక్షాల్యాంఘ్రియుగం నతిస్తుతిజయం కర్తుం మనోఽత్యుత్సుకం సాయం గోష్ఠముపాగతం వనభువో ద్రష్టుం నిజస్వామినం !
ప్రేమానందభరేణ నేత్రపుటయోర్ధారా చిరాద్యస్య తం శ్రీరాధారమణం ముదా గురువరం వందే నిపత్యావనౌ !!
4) రాత్రౌ శ్రీజయదేవ పద్యపఠనం తద్గీతగానం రసా స్వాదో భక్తజనైః కదాచిదభితః సంకీర్తనే నర్తనం !
రాధాకృష్ణవిలాసకేల్యనుభవాదున్నిద్రతా యస్య తం శ్రీరాధారమణం ముదా గురువరం వందే నిపత్యావనౌ !!
5) నిందేత్యక్షర యోర్ద్వయం పరిచయం ప్రాప్తం న యత్కర్ణయోః సాధూనాం స్తుతిమేవ యః స్వరసనామా స్వాదయత్యన్వహం !
విశ్వాస్యం జగదేవ యస్య న పునః కుత్రాపి దోషగ్రహః శ్రీరాధారమణం ముదా గురువరం వందే నిపత్యావనౌ !!
6) యః కోఽప్యస్తు పదాబ్జయోర్నిపతితో యః స్వీకరోత్యేవ తం శీఘ్రం స్వీయకృపా బలేన కురుతే భక్తౌ తు మత్వాస్పదం !
నిత్యం భక్తిరహస్య శిక్షణవిధిర్యస్య స్వభృత్యేషు తం శ్రీరాధారమణం ముదా గురువరం వందే నిపత్యావనౌ !!
7) సర్వాంగైర్నత భృత్యమూర్ధ్ని కృపయా స్వపాదార్పణం స్మిత్వా చారు కృపావలోక సుధయా తన్మానసో దాసనం !
తత్ప్రేమోదయహేతవే స్వపదయోః సేవోపదేశః స్వయం శ్రీరాధారమణం ముదా గురువరం వందే నిపత్యావనౌ !!
8) రాధే ! కృష్ణ ! ఇతి ప్లుతస్వరయుతం నామామృతం నాథయో- ర్జిహ్వాగ్రే నటయన్ నిరంతరమహో నో వేత్తి వస్తు క్వచిత్ !
యత్కించిద్వ్యవహారసాధకమపి ప్రేమ్నైవ మగ్నోఽస్తి యః శ్రీరాధారమణం ముదా గురువరం వందే నిపత్యావనౌ !!
9)త్వత్పాదాంబుజసీధుసూచకతయా పద్యాష్టకం సర్వథా యాతం యత్పర మాణుతాం ప్రభువర ప్రోద్యత్కృపావారిధే !
మచ్చేతోభ్రమరోఽవలంబా తదిదం ప్రాప్యావిలంబం భవత్ సంగం మంజు నికుంజ ధామ్ని జుషతాం తత్స్వామినోః సౌరభం !!
ఇతి శ్రీమద్విశ్వనాథ చక్రవర్తి విరచితం శ్రీగురు చరణ స్మరణాష్టకం సంపూర్ణం!..🙏🌹
🌸🌿🌸🌿🌸🌿🌸🌿🌸🌿
No comments:
Post a Comment