Sri Mahalaksmi Lalitha Sthothram

 _శ్రీమహాలక్ష్మీ లలితాస్తోత్రం🙏_

*1) చక్రాకారం మహత్తేజః తన్మధ్యే పరమేశ్వరీ ! జగన్మాతా జీవదాత్రీ నారాయణీ పరమేశ్వరీ !!*

*2) వ్యూహతేజో మయీ బ్రహ్మానందినీ హరిసుందరీ ! పాశాంకుశేక్షుకోదండ పద్మమాలాలసత్కరా !!* 

*3) దృష్ట్వా తాం ముముహుర్దేవాః ప్రణేముర్విగతజ్వరాః ! తుష్టువుః శ్రీమహాలక్ష్మీం లలితాం వైష్ణవీం పరాం !!* 

🌷శ్రీదేవాః ఊచుః🌷

*1) జయ లక్ష్మి జగన్మాతః జయ లక్ష్మి పరాత్పరే ! జయ కల్యాణనిలయే జయ సర్వకలాత్మికే !!*

*2) జయ బ్రాహ్మి మహాలక్ష్మి బ్రహాత్మికే పరాత్మికే ! జయ నారాయణి శాంతే జయ శ్రీలలితే రమే !!*

*3) జయ శ్రీవిజయే దేవీశ్వరి శ్రీదే జయర్ద్ధిదే ! నమః సహస్ర శీర్షాయై సహస్రానన లోచనే !!*

*4) నమః సహస్రహస్తాబ్జపాదపంకజశోభితే ! అణోరణుతరే లక్ష్మి మహతోఽపి మహీయసి !!* 

*5) అతలం తే స్మృతౌ పాదౌ వితలం జానునీ తవ ! రసాతలం కటిస్తే చ కుక్షిస్తే పృథివీ మతా !!* 

*6) హృదయం భువః స్వస్తేఽస్తు ముఖం సత్యం శిరో మతం ! దృశశ్చంద్రార్కదహనా దిశః కర్ణా భుజః సురాః !!* 

*7) మరుతస్తు తవోచ్ఛ్వాసా వాచస్తే శ్రుతయో మతాః ! క్రిడా తే లోకరచనా సఖా తే పరమేశ్వరః !!*

*8) ఆహారస్తే సదానందో వాసస్తే హృదయో హరేః ! దృశ్యాదృశ్యస్వరూపాణి రూపాణి భువనాని తే !!* 

*9) శిరోరుహా ఘనాస్తే వై తారకాః కుసుమాని తే ! ధర్మాద్యా బాహవస్తే చ కాలాద్యా హేతయస్తవ !!*

*10) యమాశ్చ నియమాశ్చాపి కరపాదనఖాస్తవ ! స్తనౌ స్వాహాస్వధాకారౌ సర్వజీవనదుగ్ధదౌ !!*

*11) ప్రాణాయామస్తవ శ్వాసో రసనా తే సరస్వతీ ! మహీరుహాస్తేఽఙ్గరుహాః ప్రభాతం వసనం తవ !!* 

*12) ఆదౌ దయా ధర్మపత్నీ ససర్జ నిఖిలాః ప్రజాః ! హృత్స్థా త్వం వ్యాపినీ లక్ష్మీః మోహినీ త్వం తథా పరా !!*

*13) ఇదానీం దృశ్యసే బ్రాహ్మీ నారాయణీ ప్రియశంకరీ ! నమస్తస్యై మహాలక్ష్మ్యై గజముఖ్యై నమో నమః !!*

*14) సర్వశక్త్యై సర్వధాత్ర్యై మహాలక్ష్మ్యై నమో నమః ! యా ససర్జ విరాజం చ తతోఽజం విష్ణుమీశ్వరం !!*

*15) రుదం తథా సురాగ్రయాశ్చ తస్యై లక్ష్మ్యై నమో నమః ! త్రిగుణాయై నిర్గుణాయై హరిణ్యై తే నమో నమః !!*

*16) యంత్ర తంత్రాత్మికాయై తే జగన్మాత్రే నమో నమః ! వాగ్విభూత్యై గురుతన్వ్యై మహాలక్ష్మ్యై నమో నమః !!* 

*17) కంభరాయై సర్వవిద్యాభరాయై తే నమో నమః ! జయాలలితాపాంచాలీ రమాతన్వై నమో నమః !!* 

*18)పద్మావతీర మాహంసీ సుగుణాఽఽజ్ఞాశ్రియై నమః ! నమః స్తుతా ప్రసనైవంఛందయామాస సవ్దరైః !!* 

🌷*ఫలశ్రుతి*

*శ్రీ లక్ష్మీ ఉవాచ:-*🌷

*1) స్తావకా మే భవిశ్యంతి శ్రీయశోధర్మసంభృతాః ! విద్యావినయసంపన్నా నిరోగా దీర్ఘజీవినః !!* 

*2)పుత్రమిత్రకలత్రాఢ్యా భవిష్యంతి సుసంపదః ! పఠనాచ్ఛ్రవణాదస్య శత్రుభీతిర్వినశ్యతి !!*

*3) రాజభీతిః కదనాని వినశ్యంతి న సంశయః !      భుక్తిం ముక్తిం భాగ్యవృద్ధిముత్తమాం చ లభేన్నరః !!* 

*శ్రీలక్ష్మీ నారాయణ సంహితాయాం దేవసంఘకృతా శ్రీమహాలక్ష్మీలలితాస్తోత్రం.*

🙏🌸🌸🌸🌸🌸🙏